Katulad ng mungkahi ng kapatid nating si Pablo sa ITesalonica4:18, Ang mga mananampalataya ay nararapat lamang na mag-aliwan o magpalakasan sa pamamagitan ng katotohanan na talagang babalik na muli ang Panginoong Hesus. Bilang pagsunod sa kalooban ng Diyos bahagi na ng buhay-kristiyano ko ang magpaalala sa mga kapatiran na totoong may rapture o pagbabalik ng Panginoong Hesus upang magbigay ng kaaliwan at kalakasan. May mga panahon din naman na gusto kong ako naman ang tumanggap ng kaaliwan o kalakasan sa pamamagitan ng mga kapatid na may interes o pagkakaalam na ang Panginoon ay talagang babalik na nga. Ngunit bibihira akong makasumpong ng mga 'kristiyano' na nagbibigay ng kalakasan patungkol sa huling panahon na kung saan may pagkakaunawa sila sa lagay ng panahon patungkol sa pagbabalik ng Panginoong Hesus. Masasabi ko na sa limang(5) nakakausap kong mananampalataya ay isa(1) lang ang may kaunawaan at pananabik na napakalapit na talaga ng pagbabalik ng Panginoong Hesus. Dahil bihira nga ito, nais kong itampok ang isang seryosong kapatid na nagbigay ng kalakasan sa akin sapagkat may pagkaunawa siya na hinog na nga ang panahon sa pagbabalik ng Panginoong Hesus. Siya ay si Sis.Marina Tolentino ng Palmera Homes, San Jose del Monte,Bulacan.
Karaniwang mahimbing ang tulog ng nakakarami kapag hatinggabi. Walang kamalay-malay sa kung anumang kaganapan sa kapaligiran at walang kaalam-alam sa anumang maaring mangyayari o banta ng panganib at kapahamakan. Ang talinhaga ng Panginoong Hesus sa Mateo 25:1-13 ay napakahalagang panawagan sa masyadong kritikal nating kapanahunan. Ang sigaw sa hatinggabi , na maituturing na pambubulahaw, ay isang panawagan at babala ay para sa lahat upang GUMISING!
malaking pagpapala po ang website na ito. God bless po.
TumugonBurahin